هذي حياتك وبيدك القرار

السلام عليكم ورحمة الله وبركاته

كيف الحال ..؟؟

أتمنى تكون بخير ..

..... خارج الموضوع .....

ممكن نستعرض حياة أي شخص في الدنيا

أنت مثلا .. ماهـــي حـــياتك ..؟؟

كيف تعيش حياتك ..

أكيد حياتك مختلفة عن حياة أي شخص آخر ..

طيب كيف حياتي ..

نقول

تروح للدوام

تقرأ جرايد

تروح لمطاعم نادرا

أو دايماا

يمكن مطاعم راااقية جدا وكشخة

أو ..لا

ويمكن تنقهر لهالسبب ويمكن ماتهتم

المهم تحب تشوف أفلام وتتابع مسلسلات مفضلة عندك

وفيه أحد ينصحك بس مالك خلقه.. أمك .. أبوك .. خالك ..عمك .. صديقك ..خال أبوك .. عمتك .. خالتك ..أبو جيرانكم .. ( أستغفر الله )

المهم ..
وممكن تكون تشوف أفلام بس مسجل بحلقة وتحفظ قرآن إما إنك تبي

أو أحد غاصبك وضاغط عليك

كل يوم تحب تاكل آيسكريم أو حلاو .
أوقهوة ولازم معها معمول

وإذا جاء رمضان تصلي بالمسجد التراويح والقيام

ويمكن مو كل الأيام بس تصلي بعضها وممكن .. ماتصلي بالمسجد

وأحيانا تتصدق وأحيانا لا .. وأحيانا ( تختفي أحيانا فتصير ماتتصدق أبد )

أمممم تحب إذا جاء العيد تروح وتسلم وتشوف الناس يا إنه بنيتك صلة رحم وتفرح المسلمين أو بنيتك إنك تنبسط

وبس .. أو أصلا مغصووب عالروحة

يعني باختصار مالك خلق تقابل عمانك وخوالك ..وجدانك ..أبداا

أوودك تروح شوي وتطلع بس الوالد أو الوالدة .. يضغطوون عليك تجلس

بأيام الدراسة مبسوووط تتمشى مع أخوياك ..

تصير داافور أو بتعبير أفضل طالب مجتهد وأخلاقك عاالية ..

أو أخلاقك عالية لكن الاجتهاد يعني أو معدوم ..

أو مجتهد جدا وأخلاااقك (زفت ) ..

أو لا الأولى ولا الثانية .. ( للأسف )

تصير لك مواقف تضيق صدرك بالمدرسة يجرحك زميل أو صديق

يهزأك إستاذ تهزيء ( مصخرة ) << يعني يفشلك عند الطلاب ويقول كلام ودك ترد بس ماتقدر من تهزيئه

وجرحه .. أو ترد

المهم ويمكن .. تكون رايح دواامك مبسوط يجي اللي معك بالدواام غثة الله يهديه يقعد يسولف سواليف ترفع الضغط

نعود للموضوع الأساسي يمكن .. يمكن .. تفقد عزيز في حياتك ( لاقدر الله ) ..و يمكن لا

يضيق صدرك أحيانا بدون سبب وتحس مالك خلق أحد

تنام وتقوم ..ويتلخبط نظام نومك مع الإجازات

تتهاوش مع إخوانك أو زوجتك أو أخوياك

ويمووت وااحد وتسمع أبوك يقول : لاحول ولاقوة إلا بالله الله يرحمه

وتسمع أمك : سكتة قلبيه غرييبة ماكان فيه إلا العافية الله يغفر له ويثبته !!

وتمر الأيام تلو الأياام وأنت تعيش حياتك تفرح وتحزن تضحك وتبكي تنام وتسهر تلعب وتقرأ تسافر وتمرح ...

وبــــــــــــــــــــــــــــــــــــــــــــــــ ــعــــد يـــــــــــــــــــــــــــــــــــــن


بتموت

ايه نعم بتمووت وهذي حيااتك

بيجي اليوم اللي يقول فيه ولد الجيران .. وزميل قديم كان معك في المدرسة :

فلاااااان !!!

لاحول ولاقوة إلا بالله .. الله يرحمه ( يقصدك ) ويثبته

وواحد ثاني يبكي : كان يتمشى معي وقسم بالله كنا ناكل البيتزا سوا آآآه

وأهلك الله العالم بحالهم

...
..
....
....
....
أنا ماقلت هالكلام عشان يضيق صدرك بس أنت لاحظ حياتك تمشي بسررعة

قسم بالله لاحطوك بالقبر .. بتستغرب كيف الحياة تروح بسررررعة وبدون ما أحس ..كيف بس مشت كنها ثوااني يااااااااالله

وحياتك تكفى كانت إيش

قراية جرايد

عشاء وغداء وفطور

روحة أسوااق

هوشة مع إخوانك

ضحك مع أخويااك

بكاك على اللي فقدتهم

فرحتك بالنجااح

شوفة صواريخ العيد مع أهلك وعمانك وخوالك

شربك القهوة مع معمول ولا حلا

سباحة بالإستراحات

جلسة مع زوجتك

تصفيق وتصفير مع عيالك

سواقتك مع إختك بالبراان

ونااستك بالجهاز الجديد حقك ( آي بود – وي – لابتوب – كاميرا )

صيااحك من وااحد قهرك

صراخك على أخوك اللي صحاك من النووم

روحتك للدواام

سواليفك مع أبو الجيران

ذواقتك للبوفيه بالزواجات

هداياك لإختك يوم ولدت
...
...
...
وبعدين \

هذي حياااتك ...

وبس !!!

مافيه شيء مميز قدمته

مافيه شيء أو بالأصح عمل فريد سويته

عمل مفيد ونافع

أصلا كيف طاآارت الحياة بسرعة كذا

كيف ؟؟
كيف ؟؟
كيف ؟؟
ماحسيـت فيـها بسررعة الـبررق

لاصرت في القبر

وتمنيت ترجع
ماراح ترجع
ماترجع
ماترجع

مستوعبين الكلمة هذي

يعني خلاص

سويت أشياء صالحة

خلاص معك بقبرك وماترجع تسوي زيادة

سويت أشياء سيئة

خلاص معك بقبرك وماترجع تسوي أشياء صالحة

خلاص

تغلق صحيفتك عند هالـحد

وتجيك الملائكة

ويبدأ السؤال

......

يعني بعد هالكلام

البني آدم

ربي خلق له عقل

وبين له الطريق الصالح والطريق السيء والفاسد

وربي ماخلق لك عقلك عبث

يعني إن اخترت الصلاح

لك جزاء

وإن اخترت السوء ( والعياذ بالله )

لك جزاء بعد

وبيدك القرار

لو تفكر الحين بحياتك

كل شيء يتكرر وفيه أشياء كثير تتمناها

أتحدى واحد أو وحدة ماعنده أشياء يتمناها

كلنا نتمنى ومو كل شيء نتمناه يصير ويتحقق

والحياة قصيرة

لمحة بصر

إذا تبغى ترتاح وتفوز وتسعد

فكر بحياتك واختار طريق الصلاح

وإذا مفكر إنه مايمهك شيء وعادي تعيش زي الحيوان في الدنيا

لاتفكر بحياتك وخلك على طريق السوء

ولاتبكي دم بعيد وتندم لأنه مافيه رجعة بعد ماتموت

والآن مادامت الروح فيك

فالله يفتح لك أبواب رحمته ومغفرته

وباب التوبة لايغلق

إلا إذا بلغت الروح الحلقوم أو طلعت الشمس من مغربها

فاركض اركض اركض

للي خلقك

واطلب التوبة والمغفرة

ولايدخل أحد الجنة بعمله

بل برحمة الله

ولكن ( الله شديد العقاب )

والله لايظلم العباد

فالجزاء من جنس العمل

إذا كان صالح فطوبى للصالحين

وإن كان سيء فالله عزيز ذو انتقام

.....

استعرض شريط حياتك

الآن

1
2
3
4
5

هل استعرضته

لاتكمل القرآءة إلا بعد أن تتذكر ماذا فعلت وماذا قلت

هل تذكرت

؟
؟
؟

قرر الآن

لماذا أعيش هذه الحياة ؟

لماذا أنا موجود ؟

الله خلقك

وخلقك لتعبده

أما الحياة الحقيقة

ففي الآخرة

نحن لسنا سوى بـشـر

وخلقنا الله لنعبده ليجزينا في الآخرة

وسيأتي اليوم الذي أرى صحيفتي

اليوم الذي يجزيني الله

لأرى نتيجة أعمالي

جنـــــة أو نــــار

والله رحيم
رحيم
ودود
ودود
غفور
غفور
تواب
تواب

فعد لله هداك الله

وادعه أن يعينك على عبادته

واشكر الله واحمده أن هداك

وأستغفر الله وأتوب إليه

كلنا بشر وكلنا نعيش أمام فتن العصر

فادعوا لي بالهداية وأن يثبتنا الله

لا تنسوني من خالص دعواتكم إخواني

سبحانك اللهم وبحمدك , أشهد أن لاإله إلا أنت أستغفرك وأتوب إليك ..